Bär

Et Marleen sitz noch zo Hus
Weil et sich eetz schminke muss
Nä! Wie süht dat denn us?
Wat ne Stuss! Es jetzt bald Schluß?
Ich kumm hück jar nit mih eruss
Ejal, Kajal parat jemaat
Nä, dä sitz noch nit esu akurat
Hätt widder dat janze Johr jenäht
Vun morjens fröh bes ovends spät
Trifft am Zülpi dat Marie
Die hätt ne Hoot us Pappmarché
De Botz bemolt
Et janze Johr
un keiner süht
Wat ne Brass dat widder wor

Doch einer dä määt et sich leicht
Dä jeiht flöck beim Deiters vorbei
Dä eine dä käuf sich ens schnell
En Janzkörperfell

He kütt d’r Bär…

Un drusse es et kalt
Em Stroßekarneval
Ies-Häng un all
Dat Fell dat schütz
Wie ne wärme Mötz
Och wenn dä Schäng singe Wing verspritz
Doch em Club do weed et wärm (Em Lärm)
Alle danze Ärm in Ärm (Och härm)
Jacke hänge an der Jarderob
Doch dat Fell bliev aan,
Hä hätt drunger nur en Ungerbotz
Alle girls em koote Rock (whoo)
Die Pirate han ne Hook
Reißverschluß kapott
Met Hoor verstopp
kein Knopp
Nä dat krisste nit mieh op!

Un einer dä määt et sich leicht
Doch dat es jetzt leider vorbei
Dä eine dä schwitz wie de Höll
Em Janzkörperfell

He kütt d‘r Bär
Haarig un jet schwer
Extraordinär
Süßer kleiner Bär
He kütt d‘r Bär
Et letzte Fass es leer
Et strulle dat fällt schwer
Unser Stinkebär
He kütt d‘r Bär…